శుక్రవారం నాటి శంబళ సామూహిక సాధనలు

Shamballa Samoohika Sadhana at 6:00 AM
Maha kaamana, Master C.V.V Prayer, 24 times Gayatri Mantra, 16 times Anugraha mala Mantra, 5 times Indrani Mantra by Pujya gurudev Master RK and 24 times Gayatri Mantra by Pujya Gurudev Pandit SriRamaSharmaAcharya


From 6:40AM Sri Lalitha Sahasra nama Stotram and Gayatri Chitravali
శ్రీ లలితా సహస్రనామ ము మనలో ప్రేమను, ప్రజ్ఞను పెంపొదిస్తుంది. షిరిడీబాబా, సత్యసాయి, రమణమహర్షి, క్రీస్తు, మొహమ్మద్, జిల్లెళ్ళమూడి అమ్మ, శ్రీరామశర్మఆచార్య, మాతా భగవతీ దేవి వంటి మాతృహృదయులు మనపై చూపిస్తోన్నట్టి, తల్లిదండ్రులపై పిల్లలు చూపే ప్రేమ - అలాగే పిల్లలపై తల్లిదండ్రులు ప్రదర్శించే ప్రేమ ప్రేమ అలాంటి ప్రేమను పుష్కలంగా ప్రసాదిస్తుందీ లలితా సహస్రనామ స్తోత్ర పారాయణ.అంతేకాదు ప్రజ్ఞను కూడా పంచుతుంది. విశుద్ధమైన ప్రేమలోంచి అవతరించే ఈ ప్రజ్ఞ పరస్పరం కలహించుకొనే వాతావరణాన్ని సరిచేస్తుంది. సౌమ్యంగా మాట్లాడగలిగే శక్తి, మాటలలో ఎదుటివారిని లోబరుచుకొనే ప్రేమ సామర్ధ్యము, నిజాయితీ, స్వచ్ఛత, గంభీరత అలవరచే ఈ లలితా సహస్రనామ స్తోత్రము అనేక మానసిక సమస్యలను, దిగులు-బెంగల వంటి వేదనలను, సమస్త విచారాలను పోగొడుతుంది. మాటలతో చెప్పలేని అనంత ఫలితాలనందివ్వగలిగే యీ స్తోత్రమును మనం అవశ్యము పారాయణ చేయాల్సివున్నది.


Gayatri Chitravali

యుగ నిర్మాణ యోజన సత్సంకల్పములు
వేదమూర్తి తపోనిష్ఠ యుగద్రష్ట పండిత శ్రీరామ శర్మ ఆచార్య గారు నేటి మానవాళి అనేక సమస్యలను వారు సూక్ష్మ దృష్టితో దర్శించడమే కాక గాయత్రి మహమంత్రాని విశ్వమానవాలకి అందించి అనేక మార్గదర్శకాలను చేసి కేవలం దైవ శక్తి , మంత్ర శక్తి పొందినంత చేత పవిత్రతను సాదించినటు కాదు ఆలోచనా విధానం కూడా బాగుపడటం చేత పరిస్థితులు బాగుపడతాయి అని అందరికి ఆచరణ యోగ్యంగా సుభాలను చేకూర్చే ఈ సత్సంకల్పములు అందరూ రోజు ఒకమారు ప్రతిజ్ఞలా చెప్పుకోదగవి. యుగ నిర్మాణ యోజన సత్సంకల్పములు 1) ఈశ్వరుని సర్వ వ్యాపకునిగానూ, న్యాయ నిర్ణేతగానూ, మేము అంగీకరించి, అయన ఆజ్ఞలను మా జీవితంలో తీర్చిదిద్దుకుంటాము. 2)శరీరాన్ని దైవమందిరంగా భావించి, ఆత్మ సంయమనం నియమ పాలన ద్వారా ఆరోగ్యాన్ని రక్షించుకుంటాము. 3) మనసున్ను దురాలోచనలు, దుర్వ్యసనాల నుండి రక్షించు కొనుటకై, స్వాధ్యాయ సత్సంగాలను ఏర్పాటు చేసుకుంటాము. 4) ఇంద్రియ సంయమం, అర్ధసంయమం, సమయ సంయమం మరియు ఆలోచనా సంయమాలను నిరంతరమూ అభ్యసిస్తుంటాము. 5) మమ్ము మేము సమాజం యొక్క విభిన్న అంగాలుగా గుర్తుంచు కొని, అందరి హితములోను మా హితాన్ని చూసుకుంటాము. 6) విధులను నిర్వర్తిస్తాము. చేయకూడని పనులు చేయము. పౌరబాధ్యతలను పాటిస్తాము. సమాజం యెడల నిష్ఠ కలిగి ఉంటాము. 7) వివేకము, నిజాయితీ, బాధ్యత పరాక్రమం జీవితంలో అవిచ్ఛన్నమైన ఒక అంగంగా గుర్తిస్తాము. 8) నలుదిక్కులా మధురమైన స్వచ్ఛమైన నిరాడంబరమైన, సహృదయ వాతావరణాన్ని నిర్మిస్తాము. 9) అవినీతితో పొందిన సాఫల్యంకంటే, నీతితో పొందిన ఓటమిని శిరసావహిస్తాము. 10) వ్యక్తివిలువకు గీటురాయి వ్యక్తి సాఫల్యము, యోగ్యత అంతస్థులు కాక అతని సద్భావనలు, సత్కర్మలని గుర్తిస్తాము. 11) ఇతరులు మాయెడల ఏ విధంగా ప్రవర్తించాలని కోరుకుంటామో, మేము ఇతరులయెడ ఆ విధంగానే ప్రవర్తిస్తాము. 12) స్త్రీ పురుషులం పరస్పరం, పవిత్ర దృష్టి కలిగి వుంటాము. 13) ప్రపంచంలో సత్ ప్రవృతుల పుణ్య ప్రచారానికై మా సమయం,పలుకుబడి, జ్ఞనం, పురుషార్ధం సంపత్తిలో కొంత భాగాన్ని నియమిత ప్రకారం వినియోగిస్తుంటాము. 14) సాంప్రదాయాలు కంటే వివేకానికి ప్రాముఖ్యత ఇస్తాము. 15) సజ్జనులను సంఘటితపరుచుటలో, అవినీతియెడల కాఠిన్యత కలిగి ఉండుటలో సృజనాత్మకత కార్యకలాపాలలో పూర్తి ఆసక్తిని కలిగి ఉంటాము. 16) దేశ ఐకమత్యము , సమానతల యెడల శ్రద్ధ చూపుతాము. జాతి , లింగ, భాష ప్రాంత, సాంప్రదాయాల కారణంగా , పరస్పరం ఎలాంటి భేదభావాన్ని కలిగి ఉండము. 17) మానవుడు తన భాగ్యానికి తానే నిర్మాత ! ఈ విశ్వాసం ఆధారంగా మేము ఉత్కృష్టులమై, ఇతరులను శ్రేష్టులుగా చేస్తే, యుగం తప్పక మారుతుంది అని మా విశ్వాసం. 18) మేము మారుతాము౼యుగం మారుతుంది. మేము చక్కబడతాము - యుగం చక్కబడుతుంది. ఈ తథ్యముపై సంపూర్ణ విశ్వాసము ఉన్నది. వందే విశ్వమాతరం వందే వేదమాతరం వందే దేవమాతరం