గురువారం నాటి శంబళ సామూహిక సాధనలు

Shamballa Samoohika Sadhana at 6:00 AM Maha Kamana,Sri Rama Raksha Stotram Gayatri Chitravali and Gayatri Mantra Sri Rama Raksha Stotram and Gayatri Chitravali

శ్రీరామరక్షాస్తోత్రం పారాయణ చేయటం వల్ల మనలో సంకల్పబలం పెరుగుతుంది. మన మానసిక స్థితి ఎంతో ఉన్నతంగా మెరుగుపరచబడుతుంది. తక్షణ ఫలితాలు కావాలనుకుంటే శ్రీరామ రక్షాస్తోత్ర పారాయణ చేయాల్సి ఉంటుంది. రకరకాల మానసిక రోగాలు ఈ స్తోత్ర పారాయణ వలన తక్షణం తగ్గుతాయి. రక్తపోటు (బి.పి.), ఉన్మాదము, ద్వేషము మొదలైన అశాంతిని కలిగించే రుగ్మతలు పోయి మానసిక స్థితి పరిపుష్ఠమవుతుంది. ఓర్పు, క్షమాగుణము, సహనము వంటి దైవీగుణాలు అలవడతాయి. మరికాస్త శ్రద్ధగా ఈ స్తోత్రాన్ని బ్రాహ్మీముహూర్త సమయంలో అంటే సూర్యోదయానికి గంటన్నర ముందు గనుక పారాయణ చేసినట్లైతే వజ్ర సంకల్పం సిద్ధిస్తుంది. అంతేకాక ఈ స్తోత్ర పారాయణ ఎంత ఫలవంతమైనదంటే సూర్యుని యొక్క అన్నికిరణాల సమన్వయ శక్తి కలిగివున్న ఈ స్తోత్రము ఆత్మవిద్యను కూడా అందిస్తుంది. అంతటి మహత్తర స్తోత్ర రాజమిది.


Gayatri Chitravali

6:30 AM Gayatri Mantra
యుగ నిర్మాణ యోజన సత్సంకల్పములు
వేదమూర్తి తపోనిష్ఠ యుగద్రష్ట పండిత శ్రీరామ శర్మ ఆచార్య గారు నేటి మానవాళి అనేక సమస్యలను వారు సూక్ష్మ దృష్టితో దర్శించడమే కాక గాయత్రి మహమంత్రాని విశ్వమానవాలకి అందించి అనేక మార్గదర్శకాలను చేసి కేవలం దైవ శక్తి , మంత్ర శక్తి పొందినంత చేత పవిత్రతను సాదించినటు కాదు ఆలోచనా విధానం కూడా బాగుపడటం చేత పరిస్థితులు బాగుపడతాయి అని అందరికి ఆచరణ యోగ్యంగా సుభాలను చేకూర్చే ఈ సత్సంకల్పములు అందరూ రోజు ఒకమారు ప్రతిజ్ఞలా చెప్పుకోదగవి. యుగ నిర్మాణ యోజన సత్సంకల్పములు 1) ఈశ్వరుని సర్వ వ్యాపకునిగానూ, న్యాయ నిర్ణేతగానూ, మేము అంగీకరించి, అయన ఆజ్ఞలను మా జీవితంలో తీర్చిదిద్దుకుంటాము. 2)శరీరాన్ని దైవమందిరంగా భావించి, ఆత్మ సంయమనం నియమ పాలన ద్వారా ఆరోగ్యాన్ని రక్షించుకుంటాము. 3) మనసున్ను దురాలోచనలు, దుర్వ్యసనాల నుండి రక్షించు కొనుటకై, స్వాధ్యాయ సత్సంగాలను ఏర్పాటు చేసుకుంటాము. 4) ఇంద్రియ సంయమం, అర్ధసంయమం, సమయ సంయమం మరియు ఆలోచనా సంయమాలను నిరంతరమూ అభ్యసిస్తుంటాము. 5) మమ్ము మేము సమాజం యొక్క విభిన్న అంగాలుగా గుర్తుంచు కొని, అందరి హితములోను మా హితాన్ని చూసుకుంటాము. 6) విధులను నిర్వర్తిస్తాము. చేయకూడని పనులు చేయము. పౌరబాధ్యతలను పాటిస్తాము. సమాజం యెడల నిష్ఠ కలిగి ఉంటాము. 7) వివేకము, నిజాయితీ, బాధ్యత పరాక్రమం జీవితంలో అవిచ్ఛన్నమైన ఒక అంగంగా గుర్తిస్తాము. 8) నలుదిక్కులా మధురమైన స్వచ్ఛమైన నిరాడంబరమైన, సహృదయ వాతావరణాన్ని నిర్మిస్తాము. 9) అవినీతితో పొందిన సాఫల్యంకంటే, నీతితో పొందిన ఓటమిని శిరసావహిస్తాము. 10) వ్యక్తివిలువకు గీటురాయి వ్యక్తి సాఫల్యము, యోగ్యత అంతస్థులు కాక అతని సద్భావనలు, సత్కర్మలని గుర్తిస్తాము. 11) ఇతరులు మాయెడల ఏ విధంగా ప్రవర్తించాలని కోరుకుంటామో, మేము ఇతరులయెడ ఆ విధంగానే ప్రవర్తిస్తాము. 12) స్త్రీ పురుషులం పరస్పరం, పవిత్ర దృష్టి కలిగి వుంటాము. 13) ప్రపంచంలో సత్ ప్రవృతుల పుణ్య ప్రచారానికై మా సమయం,పలుకుబడి, జ్ఞనం, పురుషార్ధం సంపత్తిలో కొంత భాగాన్ని నియమిత ప్రకారం వినియోగిస్తుంటాము. 14) సాంప్రదాయాలు కంటే వివేకానికి ప్రాముఖ్యత ఇస్తాము. 15) సజ్జనులను సంఘటితపరుచుటలో, అవినీతియెడల కాఠిన్యత కలిగి ఉండుటలో సృజనాత్మకత కార్యకలాపాలలో పూర్తి ఆసక్తిని కలిగి ఉంటాము. 16) దేశ ఐకమత్యము , సమానతల యెడల శ్రద్ధ చూపుతాము. జాతి , లింగ, భాష ప్రాంత, సాంప్రదాయాల కారణంగా , పరస్పరం ఎలాంటి భేదభావాన్ని కలిగి ఉండము. 17) మానవుడు తన భాగ్యానికి తానే నిర్మాత ! ఈ విశ్వాసం ఆధారంగా మేము ఉత్కృష్టులమై, ఇతరులను శ్రేష్టులుగా చేస్తే, యుగం తప్పక మారుతుంది అని మా విశ్వాసం. 18) మేము మారుతాము౼యుగం మారుతుంది. మేము చక్కబడతాము - యుగం చక్కబడుతుంది. ఈ తథ్యముపై సంపూర్ణ విశ్వాసము ఉన్నది. వందే విశ్వమాతరం వందే వేదమాతరం వందే దేవమాతరం